Wq/tn/Zainab Bangura
Zainab Bangura
[edit | edit source].jpg)
Haja Zainab Bangura Hawa (yo o tshotsweng ka kgwedi ya Sedimonthole e tlhola malatsi a le lesome le boferabongwe ka ngwaga wa 1959) ke lepolotiki la Sierra Leone le molweladitshwanelo tsa loago yo o ntseng a direla jaaka Mokaedikakaretso wa Ofisi ya Ditšhabakopano kwa Nairobi (UNON) fa e sale ka ngwaga wa 2018. O dirile jaaka Moemedi yo o Kgethegileng wa bobedi wa Ditšhabakopano ka ga Tirisodikgoka ya Thobalano mo Kgotlhang ka maemo a Mokwaledi-Kakaretso wa Ditšhabakopano go tloga ka ngwaga wa 2012 go fitlha ka wa 2017, ka tatelano ya motshodi wa ntlha wa maemo ao, Margot Wallström.Ka ngwaga wa 2017 o ne a tlhatlhangwa ke Pramila Patten.
Ka ngwaga wa 2007, Bangura o ne a nna tona wa merero ya dinaga di sele ya Sierra Leone mo pusong ya ga Tautona Ernest Bai Koroma wa Lekoko la Batho Botlhe (APC). E ne e le mosadi wa bobedi go direla mo maemong ao, morago ga ga Shirley Gbujama yo o neng a le mo maemong ao go tloga ka ngwaga wa 1996 go ya go wa1997. O ne a direla jaaka Tona ya Botsogo le Kgeleloleswe go tloga ka ngwaga wa 2010 go ya go wa 2012.
Dikinolo
[edit | edit source]- "Tirisodikgoka ya thobalano e dirisiwa jaaka “leano la borukhutlhi” go lebisa bodumedi le merafe e mennye le maloko a merafe ya dilesbiane, basodoma, batho ba bong jo bo farologaneng le jwa bong jo bo fetogileng (LGBT) ."
- "Tlwaelo ya boraro, e e lebegang e tla ka tsela e e bonalang sentle thata, ke gore tirisodikgoka ya tlhakanelodikobo mo dintweng e dirisiwa go fudusa batho ka dikgoka. Batho ba patelesega go tswa mo mafelong a bone le go tswa mo lefatsheng la bone ka gore lefatshe le le humile ka ditsompelo tsa tlholego kgotsa ka gore ditlhopha di batla go le dirisa go jala diokobatsi jaaka go ntse kwa Colombia."
- "Ke akanya gore kgwetlho e kgolo e re nang le yone ke go tlhoka go tlhaloganya maano a batho ba ba a dirisang mme ke akanya gore seo se dirile gore go nne thata tota go ba fitlhelela, go ba tshwaraganela, go tlhaloganya gore ke eng se se ba kgweetsang le gore ba dira eng ."
- "Se se botlhokwa thata ke go netefatsa gore re nna le seabe se sentsi sa baagi, go netefatsa gore baagi ba ba amegang mo bosenyi jo, mmogo le baeteledipele ba baagi le ba bodumedi ba re neela tlhaloganyo e e botoka ya bogolo jwa bosenyi, batho ba ba neng ba lebilwe . le go tsibogela go ya ka ditirelo tsa batswasetlhabelo."
- "Ga go bonolo go samagana le tirisodikgoka ya thobalano ka gore e tlhoka go aga bokgoni, go tlamela ka thuso le tshegetso ya setegeniki, go fetola melao, go dira le boatlhodi go netefatsa gore bosenyi jo bo a batlisisiwa le gore badirabosula ba a sekisiwa."
- "Re ka se kgone go emisa bosenyi jo bo diragalang fa fela go na le kgotlhang ka jalo re tlhoka go fedisa kgotlhang mme mo nakong e re tlhoka gape go fa bomme ba tsholofelo."